Podcast Ultramarinos Vallina r63x

Anden diciendo perende, que Caravaggio foi el pintor mas punki ¿del renacimientu? Pues nun sabemos. Lo que ye cierto, ye que vivió como un punkarra, que pintó como un punkarra y que morrió, punkarra y too; excusa bastante pa qu'Ultramarinos Vallina se fixase na so figura. Gustanos Caravaggio y el so dramatismu y si a too eso somos quien a poner banda sonora, pues lo dicho, Ültramarinos vallina.

Entitulábase una peli de bud Spencer y Terence Hill, "Quien tien un amigu tien un tesoru", mas o menos. Pues nosotres, ensin danos tantees torte, damonos cuenta que amigos y migues tenemos a cascoporro y demuestralo'l fechu de qu'esti programa, fízose col gabitu d'elles. Nosotres namas ficimos que llanzar una idega pal programa y respondieron a una. La premisa: que nos dixesen que "obra d'arte"-yos molaba, el porque y una música que-yos inspirase esa "obra d'arte. Les comilles a too esto, infinites; lo mesmo que l'agradecimientu.

Decía Albert Pla, que nun solo de rumba vivia l'home; a lo que nosotres añadimos: pues la muyer nun solo vive de pop, o de hevy, o de techno, o de regueton. ¿Y l'adolescencia de que vive? Nosotres somos de pensar, qu'ensin música nun se pue vivir y pa responder a la entruga de l'adolescencia, tenemos a la heredera, que nos prepara una sesionuca de temazos que-y molen, ensin entrar a discusiones; la única premisa, yera que nun dañasen sensibilidaes, que pa eso ya ta Ultramarinos Vallina na sintonia de Radio Cucaracha, nel 107.2 de la frecuencia modulada, na www.radioqk.org

Que raro, Ultramarinos Vallina metiendose en fregaos: que si la primer declaración de drechos unmanos n'Africa, que si sieglu XIII, que si Walt Disney crioxenizau nunca foi griot. Menos mal, que va too amenizao por ritmos de Mali, que si non, apaga y vamonos. Eso si, pa conversación de chigre, si que da.

¿Sabeis cuando vais a dalgún llau asina como de repente cuandola peña te decia que: pero que faes, ni que fueses grupi..., pues eso. Depués lleguen los ays y los ¿Por qué nun habré dio? Fluir, cagase y metese con tola modernidá, col folclorismu y hasta la madre de toles zones de confort. Vosotres a lo vuestro, que yo al Ultramarinos.

Enantes de que los ayatolas viniesen a tocar las pirolas, podía hasta inclusu falase de sentimientos y hasta llevar el pelo sueltu; a ver, que tampoco lleren unes virtuoses de los vezos llivertinos, ye verdá, pero existia n'Iran otru aire y ensin duda, yera "mas puru". Naquel Iran, xorreció y medró la poetisa y cineasta Forough Farrokhzad.

A d'almena, B de berenxena. Y otru berenxenal mas nel que nos metemos; nesti casu, acompañando a un discu compilatoriu asoleyau pola ong War Chil, que trabaya cola reciella en situaciones de conflictos armaos. Neños y neñes obligaes a participar en guerrilles y exercitos, secuestraes, torturaes y abusaes sexualmente. Un horror vamos.

Llegaes a esti puntu, nun se que ye lo que quereis de mi. Tampoco lo sew yo, la verdá. Lo que si vos digo, y aprovecho pa inaugurar una estaya, que vamos nomar "Solo pa mui fans", ye qu'en momentos como esti nel que m'atopo, que ye de tremendo baxón existencial, lo único que m'apetez, ye de pasar de tol mundu, encasquetame los cascos y poner un discu, un interprete o un grupu, y a mou de karaoke terapeúticu, poneme a cantar. ¿Nun dicen que la música amansa les fieres? Pues eso: ún..., dos..., tres..., cuatro.

Pa esta edición d'Ultramarinos Vallina, cedemos los micrófonos a les vecines del barriu ventanielles, que tamien son parte d'Uvieu y como tal, reclamen un gran parque nesta parte la cudá. Porque Uvieu nun acaba onde'l Calatraba y porque tan fartes de que crean que son ciudadnes de segunda. Ah y una ayalga tenemos tamien nesti episodiu; el podcast de Radio Perez, que ye l'actividá radiofónica que faen les alumnes del IES Perz d'Ayala de ventanielles; unes cracks.

Pa esta ocasión, usamos la excusa de la pirateria, fusilando un articulu de Pablo Vázquez varela, qu'escribe un artículu pal Salto, edición Galiza col títulu "Música galega comprometida: 18 artistes con un mensax pa combatir tiempos convulsos" Y claro, nosotres que trabayar poco: copiamos, fusilamos, calcamos, trescribimos, plagiamos, imitamos y hasta remedamos. Gracies Pablo: por descubrinos a delles artistes que nun conociemos y que nos molaron y tamien por danos el trabayu fechu.

De Beatriz Redondo Viado, "Nun va ser, pero fue" La mio neña va tar fecha de naranxes. De quesu con nueces y yogures con uves. De chocolate a cualquier hora. La mio neña va tar fecha d'un ramín de nervios que se quedó a vivir. La mio neña va tar fecha de siestes a deshora, de les hores non durmies qu'escolinguen a los llunes, de suaños nos que nun existe'l dolor. La mio neña va tar fecha de tolos cantares de la xente bueno. La mio neña va tar fecha de deséu, d'amor del grande, del sol y de la lluna, d'un paxarín xilgueru que nun me dixo que cantaba. La mio neña va tar fecha de dalguna llárima y de la mazana que-y regaló la fada buena. La mio neña va tar fecha de chocolate a cualquier hora. La mio neña nun va ser. Pero fue.

Francisca Viveros Barradas, de nome artisticu Paquita la del Barrio. Que foi famosa, poles sos rancheres de lletra afilada escontra los homes que-y ficieron lleña de la vida. Rata de dos patas, Tres veces te engañe, Me saludas a la tuya, Las mujeres mandan, Pobre pistolita, Invitame a pecar o Escoria humana son alardes de reniegu y mala hostia, nuna sociedá, la mexicana, onde lo macho ye lo que prevalez.

Ún 21 de febreru, tres mozos morrien asesinaos en Bangladesh polos disparos del exercitu paquistaní; lo único que facien yera manifestase pola defensa de la llingua bengalí. Dende entón, el 21 de febreru ta considerao el día de la llingua madre y n'Asturies aprovechamos esi día pa recordar, que l'asturianu ye un elementu de derechu y que ye, ente ottres coses bones, la nuesa aportación a la cultura universal. L'asturianu vive, la llucha sigue.

"Se nos rompió el amor de tanto usarlo, de tanto loco abrazo sin medidas,de darnos por completo a cada paso, se nos quedo en las manos un buen dia". Y ye que San Valentín, sedria santu, pero tampoco ye que fuera mui milagreru. D'aquellos primeros poemes adolescentes, a canciones de despechu y ni me mires.

Si ye que nun somos nada coyona, y dame igual que me imaxineis en pelota, allá vosotres. con esta edición, queremos rendir homenaxe a Damian Barreiro, quìnxustamente marcho p'allá pa onde marchemos cuando morramos. Periodista, escritor y youtuber pop; sidreru y militante asturfalante. Niñin, onde quiera que teas, salú ya dixebra.

Pola cabera trayectoria, igual tendriemos que camudar el nome del programa: d'Ultramarinos, a Ovituarios Vallina; eso o facenoslo mirar, porque la edá, nun perdona. Pa esta edición, acordamonos d'una señra bien grande y defenestrda va poco, Mariane Evelyn Gabriel faithfull, iconu del swinging london y pareya o dalgo del Mick Jager nos sos bonos tiempos; pero obviando esto y la droga, una gran señora que nos dexó una riestra temazos que nun podemos escaecer. Mariane, all you ni this love.

"Transa" son ocho discos asoleyaos pola ong Red Hot, una organización que naz como rempuesta a la pandemia del Sida y qu'axunta artistes pa crear proyeutos basaos na música, nel videu, na moda, nel diseñu y en cualisquier faceta artistica pa crear conciencia en campañes de salú, sexu, equidá y inclusión. Nesti casu, asoleyen "Transa" como sofitu y visibilidá trans.

David Lynch foi cineasta, fizo anuncios pa televisión; entá nun sabemos quien mató a Laura Palmer. Venga, quien viese la serie entera, que llevante la mano..., pues nun veo nenguna llevantada, nun m'estraña. David Lyncha tamien falaba del tiempu en youtube, de verdá vos lo digo; y como músicu tien dellos discos grabaos. Vamos, un artista total: artista surrealista y underground. Pero sobre too, David Lynch, foi un duerme gafapastes col so horror vacui y la so apetencia pol drama. Eso si, n'Ultramarinos Vallina reconocemos-y la so llabor como artista y programamos esti obituariu.

Edición d'Ultramarinos Vallina pa les mas melómanes. Facemos un esbilla a la banda sonora de la novela de Nick Hornby vs la peli de Sthepfen frears, una hestoria de música y rellaciones humanes. Perdón, una hestoria de música y les paranoyes coles muyeres del dueñu d'una tienda de música y los colegues que trabayen con el. De verdá, si vos molen los clásicos del pop, del rock, del folck rock y asina, nun la perder; si vos mola lleer y el cine, nun la perder, una recomendación d'Ultramarinos Vallina. Je.

Nesta ocasión y ya qu'estrenamos añu, echamos-y una güeyada a dellos proyeutos nos que tamos trabayando y esperamos sean convertibles en ediciones venideres d'Ultramarinos Vallina. Una esbilla chiquitina a posibles bandes sonores pa falar de xenocidios, muerte, feminicidios, panafricanismu, mineria, Cecilia, Gata Catana, LGTBQplus... Vamos, qu'estrenamos añu y tenemos muncha plancha per delantre.